
Li Rihayê hejmara qurbaniyan derket 95’an  

2023-02-08 08:52:41


	&nbsp;

	&nbsp;

	RIHA - Li Rihayê hejmara kesên di erdhejê de jiyana xwe ji dest dane zêde dibe. &nbsp;Cigirê Serokkomar Fûat Oktay da zanîn ku li Rihayê hejmara kesên jiyana xwe ji dest dane bû 95 û ya birîndaran jî derket hezar û 195'an.’

	&nbsp;

	Di 6’ê sibatê de li Bazarcix a Mereşê bi pileyên 7,7 û 7,5 erdhej çêbûn. Ji erdhejê 11 bajar bandor bûn ku yek ji wan bajaran jî Riha ye. Di encama erdhejê de li navend û navçeyên Rihayê gelek avahî hilweşiyan. Xebatên lêgerînê yên li ser kavilên du avahiyan didomin. Hejmara qurbaniyan jî her ku diçe zêdetir dibe.&nbsp;

	&nbsp;

	Cigirê Serokkomar Fûat Oktay bi daxuyaniyekê ragihand ku di encama erdheja li Rihayê de heta niha 95 kesan jiyana xwe ji dest dane û hezar û 195 kes jî birîndar bûne. Li navenda Rihayê ji bilî du avahiyan, xebatên lêgerîn-rizgarkirinê qediyan. Xebat niha li ser kavilên avahiyeke li ser cadeya Îpekyoluyê û li ser kavilên avahiyeke li Taxa Yenişehir a Halîliyeyê berdewam dikin.&nbsp;

	&nbsp;