
Bertek nîşanî astengkirina rojnamevanên li herêma erdhejê dan

2023-02-08 17:20:55


	&nbsp;

	NAVENDA NÛÇEYAN - Rêxistinên pîşeyî ku bertek nîşanî astengkirina rojnamevanên li herêmên erdhejê dan gotin: "Mafê nûçewergirtinê nayê astengkirin."&nbsp;

	&nbsp;

	Bi hinceta Rewşa Awarte, li herêmên erdhejê xebata rojnamevanan ji aliyê polîsan ve tê astengkirin. Rêxistinên pîşeyî bertek nîşanî vê astengkirinê dan.&nbsp;

	&nbsp;

	Komeleya Rojnamevanan a Dîcle Firatê (DFG) têkildarî mijarê li ser hesabê xwe yê medyaya sanal daxuyanî da. DFG'ê di daxuyaniya xwe de got: "Piştî erdheja li Dîlok û Mereşê Rewşa Awarte hat îlankirin. Îcraeta ewil a Rewşa Awarte, jî astengkirina rojnamevanan e. Polîsan li Amedê bi hinceta 'Karta tûrkûaz tune ye' rojnamevanên li ber kavilan asteng kirin. Di demeke wisa zehmet de astengkirina rojnamevanan nayê qebûlkirin."&nbsp;

	&nbsp;

	Komeleya Xebatên Çapemenî û Hiqûqê (MLSA) jî di daxuyaniya xwe de bertek nîşan da. MLSA'yê destnîşan kir ku mixabin di şert û mercên wisa de jî mafê nûçewergirtinê tê astengkirin û got: "Rojnamevan karê xwe dikin. Astengkirin sûcekî giran e!"&nbsp;

	&nbsp;

	Sendîkaya Rojnamevanan a Tirkiyeyê (TGS) jî got: "Mafê nûçewergirtinê yê gel nayê astengkirin!"&nbsp;