NAVENDA NÛÇEYAN - Muzîkjenê kurd Bîrhat Kurdî ji bo piştgiriya DEM Partiyê strana bi navê ‘DEM a me ye’ ku gotin û muzîk aydê wî ne derxist. 

 

Bakurê Kurdistanê û Tirkiye ber bi hilbijartinên herêmî yên ku dê di 31’ê Adarê de bên kirin ve diçe. Partiya Wekhevî û Demokrasiyê ya Gelan (DEM Partî) jî bi vekirina buroyan, serdana dikandaran, hevdîtinên bi gel re kolan bi kolan, tax bi tax, navçe bi navçe û bajar bi bajar xebatên xwe dimeşîne. Muzîkjenê kurd Bîrhat Kurdî ku li Komeleya Çandê ya Kurd a li bajarê Freiburgê yê Almanyayê xebatên xwe dimeşîne, ji bo piştgiriya DEM Partiyê strana bi navê ‘DEM a me ye’ derxist. Gotinaydê Bîrhat Kurdî û muzîk jî aydê wî û Awazê Çiya ye. Aranjeyê muzîkê jî Ciwan Ayaz kiriye. 

 

Gotinên strana “DEM a me ye” ya Bîrhat Kurdî wiha ne: 

 

“Dengê xwe bide dengê xwe 

Xiyanet neke li qewmê xwe 

Rake vê zilmê ji ser xwe 

Birîna di dil da gelek e 

Birîn di dil da gelek e 

 

Ev dem e  ev dem a me ye 

Partî û hebûna me ye 

Riya azadiya me ye 

Berxwedan her doza me ye 

 

Xortê ciwan rabe ser xwe 

Ev dem dema min û te 

Keça hêja rabe ser xwe 

Ev dem dema min û te 

 

Ev dar ji reha dilê me 

Em bicivin tev li dorve 

 

Ev dem e  ev dem a me ye 

Partî û hebûna me ye 

Riya azadiya me ye 

Berxwedan her doza me ye”